cuchiversu

Cuchiversu ye un espectru, un enquívocu desmadráu, una desviación delirante na tecno-rueda del feed. Ye compatible y incompatible a la vez: cola cibernética, y consigo mesmu. Cuchiversu ye y nun ye: cuándo pasáu de vueltes, cuándo a medio cocer. El so mou d'esistencia evidencia la non-xunción. Pon en condición de relatividá l'enteru códigu del fediversu.

Cuchiversu fai alianza con ActivityPub, pero pon tamién dulda la so entera cadarma. Cuchiversu relentiza, satura, fae disonar. Reabre la ontoloxía política. Cola so incisión, cuchiversu relativiza la federación del mundu únicu y trae al fediversu (dende Asturies, y n'alianza con cualesquiera de les lluches terranes del mundu) la pregunta de la tecnodiversidá.

Nel tiempu de la gran deserción, del colapsu del interné del stream, el cuchiversu pon empeñu na xera imprescindible de reabrir los contornos del aparatu psicosensorial l'escesu d'una duplicidá sensorial delirante.

Cuchiversu evidencia los llímites del mundu únicu. Fae pasar, cola so llocura llibidinal, los contornos d'una modalidá del intercambiu qu'escede l'orden de lo confinable.

Cuchiversu pon a circular, reabre les blimes d'ActivituPub. Reclama una articulación de mundos; inocula, cola so modalidá emerxente del intercambiu, un nuevu tipu d'enllaz.

Cuchiversu tien a la sororidá del cucho como nuevu/vieyu principiu federativu. Convierte la llinia de códigu nuna pila de cucho caleciente. Reabre los contornos del universu y pon nel horizonte de lo dixital una conexón cola arquitectura del pluriversu.